इनरुवा । सुनसरीको देवानगंज गाउँपालीका ४ स्थित यादव टोलबाट ईलाका प्रहरी कार्यालय देवानगंज,प्रहरी चौकी र बिओपी कप्तानगंजबाट खटिएको संयुक्त प्रहरी टोलिले आकस्मिक चेकजाँचको क्रममा १८० केजी गाजा बरामद गरेको छ । प्र १-०४-००१ त ०६६६ नम्बरको ट्याक्टरको ट्रलीभित्र लुकाएर भारततर्फ लादै गरेको उक्त परिणामको गाजा सुनसरी प्रहरीले बरामद गरेको हो ।
सन्तोषकुमार मेहता नाम गरेका व्यक्ति मोटरसाईकलमा आई निजको करिब ५० मिटर पछाडी आउँदै गरेको ट्रयाक्टर भारतमा पराल ल्याउन जानु पर्नेछ छाडीदिनु पर्यो भनि कुराकानी गरिरहेको अवस्थामा पछाडी आउदै गरेको उक्त ट्रयाक्टरका चालकले ईन्जिन खोली ट्रली त्यही छाडी ईन्जिन मात्र लिइ चालक भागेको देखेपछि प्रहरीले मोटरसाईकल चालक सन्तोष कुमार मेहता पनि भाग्न खोजेपछि प्रहरीले उनलाई नियन्त्रणमा लिएको थियो ।
ट्याक्टर चालकले ट्रलीलाई छाडी गएपछी शंका लागी चेकजाँच गर्दा ट्रली भित्र फल्स बेसबक्स बनाईएको भेटिएपछि बेस बक्सको नटबल्टु खोली हेर्दा सो भित्र सेतो रंगको प्लाष्टिकको ९० बटा पोका फेला परेको हो । प्रत्येक पोकाको तौल दुई केजी रहेकोमा ९० पोकामा १८० केजी गाँजा जस्तो बस्तु बरामद गरिएको सुनसरी प्रहरी प्रमुख एसपी संजयसिंह थापाले जानकारी दिए ।
इलाका प्रहरी कार्यालय देवानगंजबाट इन्स्पेक्टर बद्रीविक्रम दाहालको कमाण्डमा खटिएको प्रहरी टोलीले देवानगन्ज – ४ कौवाखोज स्थित बाँसको झाँङमा लुकाई राखिएको प्र-१-०४-००१ त ०६६६नम्बरको ट्रयाक्टरको ट्रली, सन्तोषकुमार मेहता र निजले प्रयोग गरेको को.२९.प.८४८६ नं.को मोटरसाईकल प्रहरीले नियन्त्रणमा लिई आवश्यक अनुसन्धान भइरहेकोे सुनसरी प्रहरीले जनाएको छ ।
