लौकही । सुनसरी जिल्लाको कोशी गाउँपालीका १ लौकहीस्थित सीमा क्षेत्रबाट ब्राउन सुगरसहित एकजना भारतीय नागरिक पक्राउ परेका छन् । भारतबाट आएको BR 38 Q 0307 नम्बरको भारतीय नम्बर प्लेटको गाडीलाई चेकजाँचको क्रममा सशस्त्र प्रहरी बल बिओपी लौकही र भारतीय एसएसबीको संयुक्त टोलिले अन्दाजी १३ दशमलव १० ग्राम खेरो हिरोइन ब्राउनसुगरसहित भारतीय नागरिकलाई नियन्त्रणमा लिइएको इन्स्पेक्टर अरुण पाण्डेले जानकारी दिए ।
भारतबाट मोटरसाइकल आउँदै गरेको अवस्थामा चेकजाँच गर्दा बिहीबार राति ८ बजेको समयमा ब्राउनसुगरसहित भारत जिल्ला सुपौल बेला ग्रामपन्चायत ८ बसमतिया बस्ने ३५ वर्षका रमेशकुमार यादवलाई नियन्त्रणमा लिइएको उनको भनाइ छ । पक्राउ परेका यादवको साथबाट ब्राउन सुगरसँगै नेपाली नागरिकताको प्रमाणपत्र र भारतीय आधार कार्ड,१० हजार पाँचसय नेपाली रुपैयाँ, १३४० भारतीय रुपैयाँ, कतारी रियाल ११, साउदी रियाल ४,बंगलादेशको रु २ र युरो १० डलरपनि बरामद गरिएको सशस्त्र प्रहरीले जानकारी दिएको छ । पक्राउ परेका यादवलाई आवश्यक कारबाहीको लागि ईलाका प्रहरी कार्यालय लौकहीको जिम्मा लगाएको इन्स्पेक्टर पाण्डेले जानकारी दिए ।
