भण्टाबारी । सशस्त्र प्रहरी र नेपाल प्रहरीको संयुक्त गस्टी टोलीले प्रतिबन्धित लागूऔषध सहित एकजनालाई नियन्त्रणमा लिएको छ । सुनसरी जिल्लाको कोशी गाउँपालिका ८ स्थित भण्टाबारी क्षेत्रमा शंका लागि चेकजाँच गर्ने क्रममा लागूऔषध सहित एकजनालाई नियन्त्रणमा लिएको हो । प्रस्तावित सिमा सुरक्षा गुल्म हरिपुर र ईलाका प्रहरी कार्यालय भण्टाबारीबाट खटिएको संयुक्त गस्ती टोलीले भोक्राहा नरसिंह गाउँपालिका २ बस्ने वसिम आलमसंग लागू औषध जस्तो देखिने सेतो पाउडर फेला परेपछि नियन्त्रणमा लिई अनुसन्धान थालिएको हो । उनको साथबाट नगद भारु , २१ हजार , नेपाली रुपैयाँ ११००, र एक थान मोबाइल समेत बरामद भएको जनाइएको छ ।
