इनरुवा । नेपाली काङ्ग्रेसको १४ औं महाधिवेशन अन्तर्गत विवादका कारण स्थगित गरिएको भोक्राहा नरसिंह गाउँपालिकाको महाधिवेशन सम्पन्न भएको छ । नेपाली काङ्ग्रेसको पार्टी कार्यालय इनरुवामा सम्पन्न १४ औं महाधिवेशनबाट भोक्राहा नरसिंह गाउँपालिकाको सभापतिमा युवराज दाहाल विजयी भएका छन् । नयाँ नेतृत्व चयनका लागि मंगलवार सम्पन्न मतपरिणामअनुसार आफ्ना निकटतम प्रतिद्वन्दी देउवा पक्षका देव नारायण महतोलाई १० मतपछि पार्दै दाहाल सभापति पुनः निर्वाचित भएका हुन । यसअघि पनि भोक्राहा नरसिंह गाउँपालीकाको नेपाली काङ्ग्रेस पार्टीको सभापति रहेका उनी १४ औं महाधिवेशनबाट पुनः सभापतिमा चयन भएका छन् । संस्थापन पक्षबाट उम्मेदवार बनेका दाहालले जम्मा खसेको १२१ मतमध्ये ६३ मत प्राप्त गर्दै निर्वाचित भए भने निकटतम प्रतिद्वन्दी देउवा पक्षबाट उम्मेदवारी दिएका महतोले ५३ मतमात्र ल्याए ।
यसैगरी उपसभापति पदमा मुस्ताक मियाँले ६१ र मन्जिला उराँवले ६० मत ल्याएर निर्वाचित भएका छन् । उनीहरुको प्रतिद्वन्द्धी मोलिम मियाँले ५७ र रेखादेवी गुप्ताले ५७ मत ल्याएर पराजित भएका हुन् । त्यसैगरी सचिव पदमा कृपाराम मेहताले ६५ र अस्फाक आलम अन्सारीले ५९ मत प्राप्त गरेर निर्वाचित भएका छन् । उनीहरुको प्रतिद्वन्द्वी सन्जुदेवी शाहले ५० मत प्राप्त गरेर पराजित भएका हुन् । त्यसैगरी सह–सचिव पदमा बैजु मण्डलले ६३ र सेराज मियाँले ५८ मत प्राप्त गरेर निर्वाचित भएका छन् । उनीहरुको प्रतिद्वन्द्वी पारसलाल उराँवले ५७ र धिरेन्द्र प्रसाद यादवले ७ मत प्राप्त गरेर पराजित भएको मतदान अधिकृत लोकराज बस्नेतले जानकारी दिए । विद्यार्थी राजनीतिबाट उदाएका गाउँपालीकाको सह–सचिवमा निर्वाचित सेराज मियाँ सदरमुकाम इनरुवा स्थित रहेको सुनसरी बहुमुखी क्याम्पस इनरुवाको नेपाल विद्यार्थी संघ इकाई सभापति समेत हुन ।
त्यसैगरी नेपाली कांग्रेस भोक्राहा नरसिंह गाउँपालिका वडा नम्बर–१ बाट खुल्ला सदस्य पदमा दुई जना निर्वाचित भएका छन् । निर्वाचित सदस्यहरुमा रामसागर मेहताले ५८ र मायालाल गुप्ताले ५७ मत प्राप्त गरेर निर्वाचित भएका छन् । सो वडामा खुल्ला महिला सदस्यमा उर्मिला महतोले ५८ मत प्राप्त गरेर निर्वाचित भएका छन् उनका प्रतिद्वन्द्वी राजबती उराँवले ५६ मत ल्याएर पराजित भएका हुन् । त्यसैगरी भोक्राहा नरसिंह–२ बाट खुल्ला सदस्य पदमा मो आरिफ अन्सारीले ६२ मत र रामकृष्ण मेहता ६० मत ल्याएर निर्वाचित भएका छन् । सोही वडामा खुल्ला महिला सदस्यमा लिलादेवी मेहताले ५७ मत प्राप्त गरेर निर्वाचित भएका हुन् । त्यसैगरी भोक्राहा नरसिंह–३ मा खुल्ला सदस्यबाट पुष्पा कार्कीले ५८ र बलराम धानुकले ५८ मत ल्याएर निर्वाचित भएका छन् भने खुल्ला महिला सदस्यमा जुलेखा खातुनले ५३ मत ल्याएर निर्वाचित भएका हुन् ।
त्यसैगरी भोक्राहा नरसिंह–४ मा खुल्ला सदस्यबाट कैयुम अन्सारीले ६२ र रियाम मियाँले ६० मत ल्याएर निर्वाचित भएका छन् भने खुल्ला महिला सदस्यमा नजमुन खातुन मियाँले ५९ मत प्राप्त गरेर निर्वाचित भएका हुन् । त्यसैगरी भोक्राहा नरसिंह–५ मा खुल्ला सदस्यमा जयराम उराँवले ५९ र सदिक मियाँले ५९ मत ल्याएर निर्वाचित भएका छन् भने खुल्ला महिला सदस्यमा निरासा कुमारी मण्डल भने निर्विरोध निर्वाचित भएका हुन् । त्यसैगरी भोक्राहा नरसिंह–६ मा मो.आलम अन्सारीले ६५ र सगिर मियाँले ६० मत प्राप्त गरेर निर्वाचित भएका छन् भने खुल्ला महिला सदस्यमा चन्चलदेवी पौदार निर्विरोध निर्वाचित भएका हुन् । त्यसैगरी भोक्राहा नरसिंह–७ मा खुल्ला सदस्यहरुमा झमेली मण्डलले ५७ र रामदेव धानुकले ५७ मत प्राप्त गरेर निर्वाचित भएका छन् भने खुल्ला महिला सदस्यमा कृष्णादेवी हलुवाई निर्विरोध निर्वाचित भएका हुन् । त्यसैगरी भोक्राहा नरसिंह–८ मा खुल्ला सदस्यहरुमा महन्थी साह तेली र मो.मन्सुरी मियाँ र खुल्ला महिला सदस्यमा बिमलादेवी मोची निर्विरोध निर्वाचित भएको मतदान अधिकृत बस्नेतले जानकारी दिएका छन् ।
नेपाली कांग्रेस भोक्राहा नरसिंह गाउँपालिकाको दलित सदस्यमा बुधु खत्वेले ५८ मत, दलित महिला सदस्यतर्फ छेदनीदेवी ऋषिदेवले ५८ मत प्राप्त गरेर निर्वाचित भएका छन् । त्यसैगरी मुस्लिम सदस्यहरुमा अजिज मियाँले ६०, इत्राहिम मियाँले ५९ मत र सोहेलअक्तर अन्सारीले ५६ मत प्राप्त गरेर निर्वाचित भएका छन् भने मुस्लिम महिला सदस्यतर्फ आसमा खातुनले ६० मत र सहनाज खातुनले ५७ मत प्राप्त गरेर निर्वाचित भएका हुन् । त्यसैगरी मधेशी सदस्यहरुमा दिलिपकुमार यादवले ५८, इनरदेव मेहताले ५७ र हरिलाल साहले ५५ मत प्राप्त गरेर निर्वाचित भएका छन भने मधेशी महिला सदस्यहरुमा संगिता कुमारी यादवले ६५ मत र मंगली साहले ६२ मत प्राप्त गरेर निर्वाचित भएका हुन् । त्यसैगरी आदिवासी जनजाति सदस्यमा लिलावतीदेवी उराँवले ५९ मत र सुरेन्द्रदास उराँवले ५८ मत प्राप्त गरेर निर्वाचित भएका छन् भने आदिवासी जनजाति महिला सदस्यमा सुनितादेवी मण्डलले ५६ मत प्राप्त गरे निर्वाचित भएका हुन् । त्यसैगरी अपाङ्ग सदस्य कोटाबाट सकलदेव मण्डल निर्विरोध निर्वाचित भएका छन् ।
