काठमाडौँ । कोशी टप्पु–कन्चनजंगा बायोडायभर्सिर्टी एजुकेसन लाईभलिहुड टेरा स्टुडियो (केटिके बेल्ट ईन्क) र राष्ट्रिय निकुन्ज तथा वन्यजन्तु संरक्षण विभाग एवम् प्रकृति संरक्षण कोषबीच सम्झौता भएको छ । नेपाल प्राकृतिक सम्पदा तथा जैविक विविधताले भरिपूर्ण भएकोले यहाँ पाइने वन्यजन्तु, वनस्पति र जैविक विविधता तथा तिनको समग्र संरक्षण, व्यवस्थापन र सदुपयोग गर्ने उदेश्यले अमेरिकाको वासिङटन डिसीमा आयोजित एक कार्यक्रममा हस्ताक्षर भएको हो । सम्झौतामा केटिकेबेल्टको तर्फबाट राजिव गोयल, राष्ट्रिय प्रकृति संरक्षण कोषका सदस्य सचिव शरद अधिकारी र राष्ट्रिय निकुन्ज तथा वन्यजन्तु संरक्षण विभागका प्रमुख डा. रामचन्द्र कंडेलले हस्ताक्षर गरेका छन् । वन तथा वातावरण मन्त्रालयका सचिव डा. पेमनारायण कंडेलको उपस्थितिमासम्झौतामा भएको हो ।
यो संझौताले नेपालको प्राकृतिक सम्पदा तथा जैविकविविधताको संरक्षणमा सघाउ पुग्ने वन तथा वातावरण सचिव डा. कंडेलले बताए । आगामी दिनमा वनस्पति वन्यजन्तुभू–दृश्यहरुको संरक्षण तथा व्यवस्थापन गर्ने उद्देश्यले सहकार्य गर्नेगरी सम्झौता भएको राष्ट्रिय प्रकृति संरक्षण कोषका सदस्य सचिव अधिकारीले बताए । नेपालको प्राकृतिक सम्पदा तथा जैविक विविधताको पहिचन गरी संरक्षण, प्रवर्द्धन र व्यवस्थापनको क्षेत्रमा सहकार्यको मार्ग सम्झौताबाट खुलेको राष्ट्रिय निकुन्ज तथा वन्यजन्तु संरक्षण विभागका प्रमुख डा. रामचन्द्र कंडेल बताए ।
