मिकाइल आलम
विद्यार्थीकालदेखि राजनीतिमा होमिएका व्यक्ति हुन ऐयुब अन्सारी । २०४६ सालमा नेपाल विद्यार्थी संघको विद्यालय इकाई समितिको सभापतिहुँदै राजनीतिक यात्रा सुरु गरेका उनै अन्सारी कोसी गाउँपालीकाका अध्यक्षका रूपमा आफ्नो एक कार्यकाल सफलतापूर्वक पूरा गरी पुनः सोही पदका लागि नेपाली काङ्ग्रेस पार्टीका तर्फबाट अध्यक्ष पदमा उम्मेदवारी दिएका छन् । तत्कालीन सुनसरी क्षेत्र नम्बर ५ र समायोजन पश्चात् हालको क्षेत्र नम्बर ५ नेपाली काङ्ग्रेस पार्टीको क्षेत्रीय सभापति भई आफ्नो कुशल नेतृत्वबाट पार्टीलाई संगठित बनाउनुका साथै २०७४ साल स्थानीय तह निर्वाचनबाट निर्वाचित कोशीका जनताको सेवक भई उल्लेखनीय र उदाहरणीय कार्य गर्न सफल भएका व्यक्ति हुन ।
२०७८ सालमा सम्पन्न नेपाली काङ्ग्रेस पार्टी १४ औं महाधिवेशनबाट नेपाली काङ्ग्रेस सुनसरी क्षेत्र नम्बर ४ को क्षेत्रीय सभापति पदमा पुनः निर्वाचित भएका अन्सारीको कोसी क्षेत्रमा नभई सुनसरी जिल्लाकै एक जनप्रिय् नेता हुन । सरल स्वभाव र हसिलो अनुहारका अन्सारीको जन्म विक्रम संवत् २०३४ साल साउन १५ गते भएको हो । आमा बिबी जमिला खातुन र बुवा उसमान अन्सारीका कान्छो छोरा उनी युवाअवस्थादेखि नै जनतामाझ लोकप्रिय नेताको छवि बनाइसकेका छन् । कक्षा ७ हुँदा कलिलो उमेरमै बहुदलीय प्रजातन्त्रको आन्दोलनमा लागेका अन्सारी भन्छन् ´पञ्चायतको विरुद्धमा लाग्नुपर्छ भनेर राजेन्द्र प्रसाद साहले उक्सायो” । सेतो कपडामा रातो रङले पोतेर पञ्चायत मुर्दाबाद, बहुदल जिन्दावाद भन्दै लेख्ने गर्नुहुन्थ्यो ।` जमुवामा पम्पलेटिङ गरेको आरोपमा लौकही प्रहरीले उनलाई २०४६ को जनआन्दोलनमा पक्राउ गरे र भोलिपल्ट कागज गराई छाडियो । २०४७ सालमा अन्सारी नेविसंघ पश्चिम कुशाहाको गाविस स्तरीय समितिको सभापति चयन भएका थिए ।
यसैगरी २०५० सालमा डुम्राहाका सत्यनारायण सिंहलाई पराजित गर्दै नेविसंघको क्षेत्रीय सभापति चयन भएका उनी २०५१ सालको मध्यावधी निर्वाचनमा नेविसंघ क्षेत्रीय सभापतिको हैसियतले तत्कालीन सुनसरी क्षेत्र नम्बर ५ मा स्वर्गीय गिरिजाप्रसाद कोइराला उम्मेदवार हुँदा निर्वाचन प्रचारप्रसार समितिको संयोजकको जिम्मेवारी सम्हालेका थिए । गाउँका साथीहरु सदानन्द मण्डल, जोगिन्द्र उरावँ, दिनेश साह, उमर अन्सारी लगायतसँग मिलेर गाउँमा राजनीतिक गतिविधी सक्रिय रहेका अन्सारी २०५३ सालमा नागरीक उड्डयन प्राधिकरणमा जागिर खान काठमाण्डौ गएको देखेपछि उनलाई पूर्व कृषि मन्त्री तत्कालिन मधुवन गाविस अध्यक्ष नन्दनकुमार दत्तले ´तिमी जस्तो लिडर मान्छे जागिर खाने हो र? राजनीति गरेर जनताका समस्या समाधान गर्नेतिर लाग्नुपर्छ´भनी सुझाएपछि पाइसकेको जागिर ऐयुबले छाडे । २०५४ मा पार्टीको गाउँ इकाई समितिको सचिव पदबाट मूल पार्टीको राजनीतिमा प्रवेश गर्दै २०५६ सालमा उनी तरुण दलको गाउँ सभापति बने ।
नेपाली काङ्ग्रेसको ११ औ महाधिवेशनमा क्षेत्रीय सभापतिमा ताहिर अन्सारीसँग ६ मतले पराजित भएका अन्सारी २०७२ सालमा भएको नेपाली काङ्ग्रेसको १२ औ महाधिवेशनबाट तत्कालीन सुनसरी क्षेत्र नम्बर ५ को क्षेत्रीय सभापति निर्वाचित भए । क्षेत्रीय सभापतिमा निर्वाचित हुँदा तितरबितर रहेकोे नेपाली काङ्ग्रेस पार्टीलाई उनलेे आफ्नो नेतृत्वमा सही ट्रयाकमा ल्याउदै व्यक्ति भन्दा संगठन ठुलो हुनुपर्छ भन्ने नारा दिए । आफूले पाएको जिम्मेवारी सफलतापूर्वक निर्वाह गर्न छवि बनाएका अन्सारी यसपटक पुनः कोसी गाउँपालीका क्षेत्रका जनताले पाँच वर्षको अवधिमा गरेर कार्यको मूल्यांकन गर्दै अध्यक्ष पदमा जिताउनेमा विश्वस्त छन् । ´अघिल्लो निर्वाचनबाट कोसीका जनताले आफूलाई दिएको जिम्मेवारी अनेकौं चुनौतीका बाबजुद सफलतापूर्वक निर्वाह गरे उनले भने त्यसैले मेरो नेतृत्वमा सम्पन्न भएको विकास निर्माणकार्यको उच्च मूल्यांकन गर्दै मतदाताहरुले भोट दिएर गर्न बाँकी रहेका काम गर्ने जिम्मेवारी दिनेमा विश्वस्त छु ।´
