कोसी ब्यारेज । कोसी गाउँपालीका वडा नम्बर ३ पश्चिम कुसाहामा अवस्थित रहेको कोसी टप्पु वन्यजन्तु आरक्ष जाने बाटो मर्मत गरिदिन भारतीय पक्षलाई आग्रह गरिएको छ । बिहीबार कोसी तटबन्धको निरक्षण गर्न आएका भारत बिहार राज्यका जल संसाधन बिभागका मन्त्री संजय झालाई ज्ञापनपत्र बुझाउदै कोसी गाउँपालीकाकी उपाध्यक्ष अनितादेवी यादवले सो आग्रह गरेकी हुन् । कोसी सम्झौताअनुरूप उक्त बाटो भारतीय पक्षले रेखदेख गर्नुपर्ने भएकोले बाटो मर्मत गरिदिन आग्रह गरिएको हो ।
लामो समयदेखि मर्मत नहुँदा जीर्ण बाटोहुँदै कोसी टप्पु वन्यजन्तु आरक्ष आउने पर्यटकहरुलाई आवातजावत गर्न कठिनाइ हुने गरेकोले बाटो मर्मत गर्न भारतीय पक्षको ध्यानाकर्षण गराएको उपाध्यक्ष अनितादेवी यादवले बताइन् । मन्त्री झालाई कोसी गाउँपालीकाको तर्फबाट उपाध्यक्ष अनितादेवी यादव, प्रमुख प्रशासकीय अधिकृत चोलाराज दंगाल,नायब सुब्बा राजकिशोर मेहता,अध्यक्षका स्वकीय सचिव धर्मेन्द्र विश्वास,समाजसेवी जीवानन्द झापा लगायतको टोलिले स्वागत तथा सम्मान गरेका थिए । सोही अवसरमा पूर्व पश्चिम लोकमार्ग देखि उतर कोशी टप्पु जाने बाटो मर्मत गरी चोडाई गरिदिनको लागि ज्ञापनपत्र समेत बुझाइएको थियो ।
कोशी टप्पु संरक्षणमा समुदायका युवा सक्रिय
कोशी टप्पु बन्यजन्तु आरक्ष क्षेत्रको संरक्षणका साथै समुदायको हक हितका लागि सो क्षेत्रका युवाहरुले समुदायमा आधारित क्लब मार्फत काम गर्न...