इनरुवा । भारतीय बजारबाट लुकाएर ल्याइएको पटका सशस्त्र प्रहरीले बरामद गरी नष्ट गरेको छ । सशस्त्र प्रहरीले सुनसरीको देवानगंज गाउँपालीका वडा नम्बर ५ शाहटोल स्थित सीमा क्षेत्रबाट ठुलो परिणाममा पटका बरामद गरेको हो । बिओपी साहेबगंजबाट इन्स्पेक्टर आशिष गैडाको कमाण्डमा खटिईएको मोबाईल गस्ति टोलिले आइतबार राति दुई लाख दश हजार बराबरको झिरझिरे, फुलझरी सुपरमी ग्राउण्ड चक्र आदि गरी विभिन्न किसिमका पटका नियन्त्रणमा लिएको हो । केही दिनअगाडि सशस्त्र प्रहरीले सुनसरीको हरिनगर गाउँपालिका-६ स्थित घुस्कीबाट तीन लाख बराबरको पटका बरामद गरेको थियो ।
बरामद गरिएको पटका स्थानीय जनप्रतिनिधि, समाजसेवी, बुद्धिजीवी लगायतको रोहवरमा नष्ट गरिएको सशस्त्र प्रहरीले जनाएको छ । चाडपर्व नजिकै गर्दा जिल्लाको सीमावर्ती क्षेत्र हुँदै भारतीय बजारबाट लुकिछिपि पटकाजन्य पदार्थको तस्करी हुने क्रम बढेको पाइन्छ । चाडपर्व नजिकिदै गर्दा यस्ता वस्तुको अवैध पैठारी बढ्न सक्ने भन्दै निगरानी बढाएको सशस्त्र प्रहरीले बताएको छ । खासगरी तिहारका लागि भन्दै भारतीय बजारबाट वर्षेनि लाखौं मुल्य बराबरको पटका नेपाल भित्रीने गरेको छ ।
