मिकाइल आलम
इनरुवा । सुनसरी क्षेत्र नम्बर ४ बाट निर्वाचित सांसद एवं सञ्चार तथा सूचना प्रबिधि मन्त्री ज्ञानेन्द्रबहादुर कार्कीको पहलमा शिक्षा क्षेत्र सुधार गर्नको लागि एक करोड बढी रकम विनियोजन भएको छ । जनतामाझ “विकासप्रेमी” राजनीतिज्ञको छवि बनाउन सफल भएका मन्त्री कार्कीको पहलमा सुनसरी निर्वाचन क्षेत्र नम्बर ४ अन्तर्गत रहेको बराहक्षेत्र,इनरुवा र रामधुनी नगरपालीका तथा हरिनगर र भोक्राहा नरसिंह गाउँपालीका क्षेत्रमा संचालनमा रहेका विभिन्न क्याम्पस,बिद्यालय तथा मदरसाहरुको लागि आर्थिक वर्ष २०७९/०८० मा प्रदेश नम्बर १ सामाजिक विकास मन्त्रालयबाट पुजीगत अनुदानबाट एक करोड १३ लाख रकम विनियोजन भएको हो ।
मन्त्री कार्कीको पहलमा बराहक्षेत्र नगरपालिकाबाट संचालित बराह आदर्श क्याम्पसले रु २० लाख,सप्तकोशी क्याम्पस रु १५ लाख,इनरुवा नगरपालिकाबाट संचालित सुनसरी बहुमुखी क्याम्पस इनरुवाले रु १५ लाख अनुदान पाउने भएका छन् । यस्तै विद्यालयको भौतिक पूर्वाधार विकास अन्तर्गत वसन्तऋतु मा.बि. बरहक्षेत्र ७ ले रु.५ लाख,महेन्द्र मा.बि. बरहक्षेत्र ६ रु ५ लाख,रामजानकी आ.वि रामधुनीले रु ४ लाख,मिलिजुली आ.बि. बरहक्षेत्र ५ ले रु ६ लाख,जनता मा.बि. हरिनगरा ३ ले रु ५ लाख,सिंह देवी प्रा.वि बरहक्षेत्र १ ले रु ४ लाख अनुदानबापतको रकम पाउने निश्चित भएको छ ।
यसैगरी विद्यालयमा स्वच्छ पिउने पानी कार्यक्रम अन्तर्गत कोशी मा.वि. बरहक्षेत्र ८ ले रु ३ लाख,मोहन मा.वि. बरहक्षेत्र ११ ले रु ३ लाख,आदर्श मा.विले रु ३ लाख अनुदानबापतको रकम पाउनेछन् । त्यसैगरी धार्मिक प्रकृतिकका बिद्यालय अन्तर्गत सिरिजंगा यूकसिंग निसामहीम बरहक्षेत्र ९ ले रु ४ लाख,मदरसा शेराजुल उलम भोक्राहा नरसिंह ८ ले रु ४ लाख,मदरसा कस्मिया हरिनगराले रु ४ लाख,जामीअतुल मुस्लिमात हरिनगरले रु ४ लाख,राधाकृष्ण वेद विद्यालय बरहक्षेत्र १ ले रु ५ लाख रकम पाउने सुनिश्चित भएको मन्त्री कार्कीको सचिवालयले जानकारी गराएको छ ।
यस्तै प्रदेश विकास संयोजक अन्तर्गत धनजित आधारभूत विद्यालय बरहक्षेत्र ११ ले (आधारभूत विज्ञान शिक्षक) र महेन्द्र मा.बि. बराहक्षेत्र -३ (मा.वि. शिक्षक अंग्रेजी/गणित /विज्ञान ) लगायत शिक्षक उपलब्ध गराइनेछ । आफू निर्वाचित भएदेखि समग्र क्षेत्रको चौतर्फी विकासको लागि लागिपरेको मन्त्री कार्की बताउँछन् । सुनसरी क्षेत्र नम्बर ४ का जनताले आफूलाई विश्वास गरेर निर्वाचित गराएपछि विकास निर्माणकार्य गर्नु आफ्नो दायित्वअनुसार निरन्तर काम गरिरहेको उनले बताए ।
