मिकाइल आलम
सुनसरी । सुनसरी जिल्लाको वराहक्षेत्र नगरपालिका वडा नं ६ र ९ स्थित रहेको श्रीलंका टप्पुमा बृहत् स्वास्थ्य शिविर सम्पन्न भएको छ । नेपाल प्रहरी श्रीमती संघ कोशी प्रदेश,जिल्ला प्रहरी कार्यालय सुनसरी, वराहक्षेत्र नगरपालिका, कोशी गाउँपालीका,हरिनगर गाउँपालीकाको संयुक्त आयोजनामा मंगलबार उक्त शिविर सम्पन्न गरिएको जिल्ला प्रहरी कार्यालय सुनसरीका प्रवक्ता डिएसपी नविनकृष्ण भण्डारीले जानकारी दिए । नेपाल प्रहरी एवं बिराटनगरस्थित रहेको बिराट टिचिङ्ग हस्पिटल र जिल्ला अस्पताल सुनसरी इनरुवाको सहकार्य बृहत् स्वास्थ्य शिविर आयोजना गरिएको हो ।
शिविरमा स्थानीयहरूलाई जेनेरल फिजिसियन, स्त्री रोग, प्रसूति जाँच तथा भिडियो एक्सरे सेवा, हाडजोर्नी तथा नशा रोग जाँच सेवा, बाल रोग जाँच सेवा त्यस्तै युरोलोजिष्ट सेवा ( पिसाब सम्बन्धी रोग ), नि-शुल्क शल्यक्रिया तथा औषधि वितरण सहित आँखा जाँच सेवा सम्बन्धी विशेषज्ञ चिकित्सकहरूले चेक जाँच, परामर्श सेवा प्रदान गरिएको उनको भनाइ छ् । शिविरबाट १९२ जना लाभान्वित भएका छन् भने २१ जनाले रक्तदान गरेको बताइएको छ ।
स्थानिय टप्पुवासीहरू आधारभूत स्वास्थ्य सेवाबाट समेत टाढा रहेकाले शिविर आयोजना गरिएको नगर प्रमुख रमेश कार्कीले बताए । टप्पुमा आधारभूत आवश्यकताका पूरा गराउने कार्यमा लागि परेको र शिक्षा, खानेपानी, सुरक्षा, सिचाई, यातायातसँगै स्वास्थ्य लगायतको कुरामा नगरपालिकाले योजना बनाएर काम गर्ने कार्कीले बताए । उनले भने,” नेपाल प्रहरीसँग समन्वय गरेर शिविर आयोजना गर्दै स्वास्थ्य सम्बन्धी सचेतना बढाउन खोजेका हौ । ग्रामीण बस्तीमा स्वास्थ्य शिविर आयोजना गरेर नगरवासीलाई स्वास्थ्य बनाउने योजनामा नगरपालिका लागि परेका छौ ।”
वराहक्षेत्र नगरपालिकाका नगर प्रमुख रमेश कार्कीको अध्यक्षता एवं नेपाल प्रहरी श्रीमती संघकी केन्द्रीय अध्यक्ष लक्ष्मी कुँवरको प्रमुख आतिथ्यमा सम्पन्न कार्यक्रममा कोसी प्रदेश सभा सदस्य सदानन्द मण्डल, नेपाल प्रहरी श्रीमती संघकी उपाध्यक्ष रुपा थापा, नेपाल प्रहरी श्रीमती संघ कोसी प्रदेश अध्यक्ष हरिता देवकोटा बास्तोला त्यस्तै प्रदेश प्रहरी कार्यालय विराटनगरका प्रमुख प्रहरी नायब महानिरीक्षक राजेशनाथ बास्तोला, कोसी गाउँपालिकाका अध्यक्ष ऐयुब अन्सारी, हरिनगर गाउँपालिकाका अध्यक्ष गफार मियाँ अन्सारी, जिल्ला प्रशासन कार्यालय सुनसरीका निमित्त प्रमुख जिल्ला अधिकारी ओमप्रसाद भट्टराई, जिल्ला प्रहरी कार्यालय सुनसरीका प्रमुख प्रहरी उपरीक्षक बिपिन्न रेग्मी, वराहक्षेत्र नगरपालिकाकी उप-प्रमुख नन्दकुमारी सुनुवार, इनरुवा नगरपालिकाकी उप-प्रमुख विनीता मेहता,वडा नं ६ का अध्यक्ष उद्धव पोखरेल, वडा नं ९ का अध्यक्ष निरञ्जन चन्द्रवंशी, उद्योग वाणिज्य संघ वराहक्षेत्रका अध्यक्ष सुरेन्द्र गुप्ता लगायतको उपस्थिति रहेको थियो ।
