मिकाइल आलम
लौकही । कोशी गाउँपालीका वडा नम्बर ३ स्थित रहेको राष्ट्रिय माद्यामिक बिद्यालय शोभनपुरको ५१ औं वार्षिकोत्सब तथा अभिभावक दिवस मनाएको छ । राष्ट्रिय माद्यामिक बिद्यालय शोभनपुर व्यवस्थापन समितिका अध्यक्ष शमसुल मन्सुरी अध्यक्षता एवं कोशी अध्यक्ष ऐयुब अन्सारी प्रमुख आतिथ्यमा मंगलबार ५१ औं वार्षिकोत्सब तथा अभिभावक दिवस मनाएको हो ।
तत्काकलीन सप्तरीको सोभरपुर पञ्तायतमा वि. सं.२०२९ सालमा स्थापना भएको राष्ट्रिय माद्यामिक बिद्यालय शोभनपुरले हाल प्राविधकि धार सहित कक्षा १२ सम्मको शिक्षा दिईरहेको छ ।
उक्त कार्यक्रममा कोशी प्रदेशसभा सदस्यहरु इस्राइल मन्सुरी र सदानन्द मण्डल,कोशी गाउँपालीकाकी उपाध्यक्ष अनिता यादव,कोशी गापाका प्रमुख प्रशासकीय अधिकृत दिलसेर राई,लेखा अधिकृत सुरप्रसाद दंगाल, शिक्षा अधिकृत बेदराज अधिकारी,कोशी ३ का वडा अध्यक्ष सुलेमान मन्सुरी,५ का वडा अध्यक्ष साह जमाल,६ का वडा अध्यक्ष जुडिलाल कडौगिया, २ का वडा अध्यक्ष ध्यानी उराँव,विभिन्न पार्टी प्रतिनिधिहरु, अभिभावक वर्ग,विद्यार्थी,विभिन्न बिद्यालयका प्रअ एवं शिक्षकशिक्षिका,सुरक्षाकर्मी,संचारकर्मी लगायत सयौंको उपस्थिति रहेको थियो ।
कोशी गाउँपालीका वडा नम्बर ३ स्थित रहेको राष्ट्रिय माद्यामिक बिद्यालय शोभनपुरको ५१ औं वार्षिकोत्सब तथा अभिभावक दिवसको अवसरमा कोशी अध्यक्ष ऐयुब अन्सारीलाई भव्य स्वागत गरेको छ ।
राष्ट्रिय माविको साथै समग्र कोशी क्षेत्रमा शिक्षा क्षेत्र सुधार गर्न अध्यक्ष अन्सारीले खेलेको भूमिका उच्च प्रशंसनीय रहेको भन्दै मंगलबार अध्यक्ष अन्सारीको फुल,माला एवं दोसल्ला ओढाएर विद्यार्थी,अभिभावक वर्ग,बिद्यालय प्रशासनले भव्य स्वागत गरेका थिए ।
बिद्यालयको ५१ औं वार्षिकोत्सब तथा अभिभावक दिवसको अवसरमा बोल्दै प्रअ हरेकृष्ण राउतले कोशी क्षेत्रलाई शिक्षाको हब बनाउने अभियान अन्तर्गत राष्ट्रिय मावि शोभनपुरको भौतिक पूर्वाधार निर्माण गर्नुका साथै प्राविधिक धार स्थापना गरी विद्यार्थीहरुको समस्या बुझेर आवश्यकतालाई मध्यनजर गर्दै बिद्यालयलाई बस उपलब्ध गराइदिएकोमा अध्यक्ष ऐयुब अन्सारीको प्रशंसा गरे ।
कोशी क्षेत्रमा अध्यक्ष अन्सारीको नेतृत्वमा शिक्षा क्षेत्रमा व्यापक परिवर्तन आएको बताउदै उनले अहिले पनि विद्यार्थी कलेज पढ्न बाहिर जानुपर्ने बाध्यता भएकोले सो सम्बन्धमा ध्यानाकर्षण गराए । बिद्यालयको ५१ औं वार्षिकोत्सब तथा अभिभावक दिवसलाई सम्बोधन गर्दै प्रमुख अतिथि अध्यक्ष ऐयुब अन्सारीले आफू निर्वाचित भएपछि शिक्षा क्षेत्रलाई मुख्य प्राथमिकतामा राखी काम गर्दै आएको बताउदै अझै पनि आफ्नो अभियानमा लागिपरेको बताए ।
विद्यालयलाई प्राविधिक धार सहित शिक्षा र व्यवस्थापन संकायको शिक्षा बालबालिकाहरुलाई दिईरहेकोमा विद्यालयको उनले प्रशंसा गरे । कोशी क्षेत्रमा संचालित सामुदायिक बिद्यालयलाई संस्थागत बिद्यालय सरह विकास गरी खासगरी गरिब तथा विपन्न वर्गका नागरिकका छोराछोरीलाई गुणस्तरीय शिक्षा उपलब्ध गराउनु आफ्नो लक्ष्य रहेको उनको भनाइ छ ।
शिक्षा क्षेत्र सुधार अन्तर्गत कोशी क्षेत्रमा प्राविधिक धारको पढाई संचालनमा ल्याउन निकै चुनौतीका बाबजुद आफू सफल भएको स्मरण गर्दै अध्यक्ष अन्सारीले सामुदायिक बिद्यालयको अवस्था बुझ्न छड्के अनुगमन गर्नुका साथै देखिएका समस्या समाधान गरी आवश्यकता अनुसार शिक्षकशिक्षिका,विद्यार्थी,अभिभावक एवं बिद्यालयको समस्या समाधान गर्दै आएको बताउँछन् ।
