कोशी । कोशी गाउँपालिकाले शैक्षिक सत्र २०८१ को विद्यार्थी भर्ना अभियानलाई प्रभावकारी बनाई अधिकतम विद्यार्थीलाई बिद्यालयको पहुँचसम्म पुर्याउन सफल भएको छ । कोशी गाउँपालिका क्षेत्रमा रहेका विद्यार्थीहरुमध्ये ९५ प्रतिशत विद्यार्थीलाई बिद्यालयको पहुँचसम्म पुर्याउन सफल भएको कोशी गाउँपालिका शिक्षा शाखाले जनाएको छ । शैक्षिक सत्र २०८१ को विद्यार्थी भर्ना अभियानलाई प्रभावकारी बनाई बिद्यालय उमेरका बालबालिकाहरुलाई सामुदायिक , निजी तथा धार्मिक बिद्यालयको पहुँचसम्म पुर्याउन सफल भएको कोशी गाउँपालिका शिक्षा शाखा बेदराज अधिकारीले जानकारी दिए ।
विद्यार्थी तथा अभिभावकको सरकारी विद्यालयमा थप आकर्षण बढाउने उद्देश्यले कोशी गाउँपालीका क्षेत्रमा यसवर्ष देखि विद्यार्थी भर्ना अभियानलाई प्रभावकारी बनाउन निर्देशन दिएको बताउदै गाउँपालीकाका अध्यक्ष ऐयुब अन्सारीले अब हाम्रो ध्यान शिक्षा क्षेत्र सुधार मात्रै नभई गुणस्तरीय शिक्षा मुख्य प्राथमिकता रहेको बताए । हामीले भौतिक पूर्वाधार अन्तर्गत हरेक वडा वडामा कालेपत्रे बाटो पुर्याउन सफल भएका छौं उनले भने त्यसैले अब हाम्रो सम्पूर्ण ध्यान शिक्षा , स्वास्थ्य र कृषी क्षेत्र सुधारमा केन्द्रीत छ । सोहि अनुसार शिक्षा क्षेत्रमा स्थलगत अनुगमनको क्रममा देखापरेका समस्या समाधान गरी कोशी क्षेत्रका हरेक विद्यार्थीलाई गुणस्तरीय शिक्षाको लागि लागिपरेका छौं ।
सामुदायिक बिद्यालयको शैक्षिक सुधारदेखि अभिभावकको मन जित्न सबै बालबालिकाको विद्यालयमा सहभागिता, गुणस्तरीय शिक्षा प्राप्तिको सुनिश्चितता भन्ने मूल नाराका साथ आफूले अभियान थालिसकेको हुनाले यसमा सबै क्षेत्रबाट साथ पाउनेमा अध्यक्ष अन्सारी आशावादी छन । कोशी गाउँपालीकामा सामुदायिक तथा धार्मिक बिद्यालय गरी ५४ वटा बिद्यालय रहेकोमा स्थलगत अनुगमनको क्रममा मापदण्ड पूरा नगरी संचालनमा रहेको पाइएपछि श्री बीपी मदन आधारभूत बिद्यालय कोशी ४ र श्री कंकालनी आधारभूत बिद्यालय कोशी ६ लाई नजिकैको अर्को बिद्यालयमा गाभिने निर्णय गरिएकोमा उक्त निर्णय तत्कालै कार्यान्वयनमा आएको कोशीका प्रमुख प्रशासकीय अधिकृत दामोदर दाहालले जानकारी दिए ।
