सुनसरी क्षेत्र नम्बर ४ बाट निर्वाचित भएका हाजी इस्राइल मन्सुरी र सदानन्द मण्डलमध्ये एकजना मन्त्री बन्ने सम्भावना बलियो देखिएको छ । नेपाली कांग्रेस र नेकपा एमालेबीच केन्द्रमा भएको सहमति अनुसार कोशी प्रदेशमा पनि मुख्यमन्त्री हिक्कमत कार्की नेतृत्वको प्रदेश सरकारमा नेपाली कांग्रेस सहभागी हुने अन्तिम तयारीमा जुटेको छ । वर्तमान नेकपा एमालेका कार्की नेतृत्वको प्रदेश सरकारमा नेपाली कांग्रेसले चारवटा मन्त्रालय पाउने बुझिएको छ ।
कांग्रेस स्रोतका अनुसार अनुसार ४ मध्ये दुई मन्त्री सभापति शेरबहादुर देउवा समूहबाट हुनेछन् । कृष्णप्रसाद सिटौला र डाक्टर शेखर कोइराला समूहबाट एक/एक जना मन्त्री हुनेछन् ।२९ सांसद रहेको कांग्रेसको तीनवटा समूहमा आकांक्षीको लर्काे छ । आकांक्षी धेरै हुँदा शीर्ष नेतालाई पनि नाम टुङ्गो लगाउन सकस परेको एक आकाक्षीले बताए । यता सुनसरी क्षेत्र नम्बर ४ बाट निर्वाचित भएकानेपाली कांग्रेसका सांसदहरू हाजी इस्राइल मन्सुरी र सदानन्द मण्डलमध्ये एकजना मन्त्री बन्ने सम्भावना छ । नेपाली कांग्रेस सुनसरी क्षेत्र नम्बर ४ का क्षेत्रीय सभापति ऐयुब अन्सारीले गत निर्वाचनमा नेपाली कांग्रेसका स्थानीय नेताकार्यकर्ताको निकै अथक मेहनतका साथ संघीय र दुवै प्रदेश सांसदहरूलाई निर्वाचित गराएको हुनाले सुनसरी ४ ले मन्त्री दाबी गर्नु स्वाभाविक भएको बताउँछन् ।
क्षेत्रीय सभापति ऐयुब अन्सारीले निर्वाचनको बखत गरेको बाचा प्रतिबद्धता पूरा गराउन र विकास निर्माणकार्यलाई थप तीव्रता दिन मन्त्री बनाउनुपर्ने भन्दै निरन्तरता दबाब दिदै आएका छन् । कुनै व्यक्तिको लागि भन्दा पनि सुनसरी क्षेत्र नम्बर ४ का जनताको आवश्यकता लाई मध्यनजर राख्दै उपयुक्त मन्त्रालय पाउनुपर्ने लबिङमा उनी जुटेको बताइएको छ । प्रदेशमा नेपाली कांग्रेले भौतिक पूर्वाधार, स्वास्थ्य र पर्यटन वन तथा वातावरण मन्त्रालय पाउने टुङ्गो लागिसकेको छ । तीन मन्त्रालय यसअघि माओवादी केन्द्रको भागमा थियो । माओवादीले सरकार छाडेका तीन बाहेक कृषि र सामाजिक विकास मन्त्रालयमध्ये एक मन्त्रालय कांग्रेसले रोजेर लिनेछ ।