इनरुवा । जिल्ला प्रहरी कार्यालय सुनसरीमा सबेकाे लागू पदार्थ दुर्वयसन विरुद्धको अभियान फ्यान सम्पादन समितिकाे बैठकले कार्यक्रमलाई प्रभावकारी बनाउने निर्णय गरेको छ । प्रमुख जिल्ला अधिकारी रामचन्द्र तिवारी समेतको उपस्थितिमा भएको बैठकले सुनसरीमा लागू पदार्थ दुर्वयसन विरुद्धको अभियान प्रभावकारी बनाउने निर्णय गरेको फ्यान संयाेजक रामप्रसाद तिमिल्सिनाले जानकारी दिनुभयो । अभियानमा विभिन्न राेकथाम तथा प्रचारप्रसार मुलुक कार्यक्रम गर्न कार्यविधि बनाउने समिति गठन समेत गरेको छ ।
जिल्ला प्रहरी कार्यालय सुनसरीमा बसेको फ्यान जिल्ला कार्य सम्पादन समितिको नियमित बैठकले जिल्ला पदाधिकारीहरूलाई सम्बन्धित पालिकाका समन्वय अधिकृत शिक्षा शाखा प्रमुख तथा फोकल अफिसर स्थानीय प्रहरी इकाई प्रमुखहरूसँग समन्वय गरी फ्यानका समुदाय, विद्यालय केन्द्रित गतिविधिहरूलाई प्रभावकारी रूपमा सञ्चालन गर्न/ गराउन जिम्मेवारी तोकिएको पालिकामा नेतृत्वदाही एवम समन्वयकारी भूमिका वहन गर्नुपर्ने, क्लवमा आबद्ध विद्यालयको क्रियाकलाप निरीक्षण गरी त्यहाँ भइरहेका गतिविधि तथा उत्पन्न भएका समस्याका बारेमा
अर्को बैठकमा प्रस्तुत गर्ने निर्णय गरिएकाे छ । फ्यानकाे गतिविधिमा स्थानीय सरकारको भूमिकालाई प्रभावकारी बन्न पालिका स्तरीय कार्यविधि बनाउने समिति बनाएको छ । कार्यविधि बनाउने समिति संयोजकमा उत्तम कुमार सुबेदी, सदस्यमा जयकृष्ण यादव र विमला ढकाल रहनुभएकाे छ ।
बैठकमा प्रजिअ राम चन्द्र तिवारी , प्रहरी उपरीक्षक सुमन कुमार तिम्सिना, बरिस्ठ अधिवक्ता कृष्ण प्रसाद दाहाल , अधिकारकर्मी रमेश भट्टराई, जय कृष्ण यादव,सत्य नारायण मेहता,चन्द्र बराल, प्रहरी निरिक्षक सविना लिम्बु, रुमा रिजाल,शम्भु अधिकारी, उत्तम कुमार सुबेदी,प्रतिमा थापा मगर,लक्षमण यादव, बिमला ढकाल, तोया गिरी पोदार , विनिता दाहाल सहितको उपस्थिति रहेको थियो ।
