लौकही । नेपाली कांग्रेस १४ औं महाधिवेशन नजिकिदै गर्दा गाउँ गाउँमा विभिन्न पदका लागि नेताकार्यकर्ताले आ आफ्नो दाबी गरिरहेका छन् । यसैक्रममा आगामी महाधिवेशनमा नेपाली काङ्ग्रेस कोशी गाउँपालीकाको सभापतिमा सुलेमान मन्सुरीले उम्मेदवारी घोषणा गरेका छन् ।
कोशी गाउँपालीका वार्ड नम्बर ३ का वडाध्यक्ष समेत रहेका मन्सुरीले आइतबार लौकहीमा संचारकर्मीसँग कुरा गर्दै आफू नेपाली काङ्ग्रेसको कोशी गाउँपालीकाको सभापति उम्मेदवारी रहेको घोषणा गरेका हुन । पार्टीले विभिन्न समय दिएको जिम्मेवारी कुशलतापूर्वक सम्हाल्दै आएको बताउदै नेता मन्सुरीले आगामी निर्वाचनमा नेताकार्यकर्ताले आफूलाई कोशी गाउँपालीकाको सभापति निर्वाचित गराउनेमा आफू ढुक्क रहेको बताए ।
को हुन मन्सुरी ?
समायोजन पश्चात् नेपाली काङ्ग्रेस कोशी गाउँपालीकाको पार्टी सभापति समेत रहेका मन्सुरी राष्ट्रिय मावि सोभनपुरको व्यवस्थापन समिति अध्यक्ष हुँदै २०६६ सालबाट राजनीति यात्रा सुरु गरेका थिए । साविकको वार्ड नम्बर ३ र हाल कोशी गाउँपालीका वार्ड नम्बर ३ स्थित पश्चिम कुसाहामा २०२६ साल जन्मेका मन्सुरीले मदरसा मदिनअतुल उलुम र आसिन प्राविले अनुमति लिएपछि व्यवस्थापन समितिको अध्यक्ष समेत भएका थिए । त्यसैगरी नेपाली काङ्ग्रेसको १२ औं महाधिवेशनबाट पश्चिम कुसाहा गाविसको गाउँ इकाई पार्टी सभापति भएका मन्सुरी १३ औं महाधिवेशनबाट समेत सोही पदमा निर्वाचित भएका थिए । २०७४ सालमा सम्पन्न स्थानीय तहको निर्वाचनबाट मन्सुरीले नेपाली काङ्ग्रेसबाट वडाउध्यक्षको टिकट पाई निर्वाचित भएका हुन ।
