भण्टाबारी कोशी गाउँपालीका वडा नम्बर ७ स्थित हरिपुरमा जारी वडाध्यक्ष क्रिकेट कप प्रतियोगिताको फाइनलमा प्रवेश गरेको छ । शुक्रवार इटहरीलाई ३५ रनले हराउदै कोशी क्रिकेट क्लब भण्टाबारी दोस्रो वडाध्यक्ष क्रिकेट कप प्रतियोगिताको फाइनलमा प्रवेश गरेको हो ।
१६-१६ राखिएको दोस्रो सेमिफाइनल खेलमा टस जितेर पहिले ब्याटिङ्ग गर्दै भण्टाबारीले निर्धारित ओभरमा अल आउट हुदै ८८ रनको योगफल तयार पारेको थियो । ८९ रनको विजयी लक्ष्य पछ्याउदै जवाफी ब्याटिङ्ग गरेको इटहरी १४ औं ओभरमा अल आउट हुदै मात्र ५३ रन बनाउन सक्यो । भण्टाबारी लाई फाइनलमा प्रवेश गराउन सहवाज आलमले सर्वाधिक ४ विकेट लिए भने निकेश यादव र सैनुल हकले २-२ तथा सकिल अहमद र आल्मिन आलमले १-१ विकेट लिए । खेलको म्यान अफ द म्याच भण्टाबारीका सहवाज आलम घोषित भए । कोशी गाउँपालीका वडा नम्बर ७ को सहयोगमा एम्स युवा क्लबले आयोजना गरेको क्रिकेट प्रतियोगिताको फाइनल शनिवार भण्टाबारी र भोक्राहा बीच हुने आयोजकले जनाएको छ ।
