भण्टाबारी । कोशी गाउँपालीका वडा नम्बर ८ स्थित PDM हस्पिटल नजिक रहेको खेल मैदानमा जारी प्रथम रात्रीकालिन अध्यक्ष कप क्रिकेट प्रतियोगितामा कोशी ४ क्वाटरफाइनलमा प्रवेश गरेको छ । कोशी गाउँपालीकाको आर्थिक सहयोगमा आयोजित प्रथम रात्रीकालिन अध्यक्ष कप क्रिकेट प्रतियोगिताको उद्घाटन खेलमा यसअघि कोशी ७ लाई हराउँदै कोशी ८ भण्टाबारी बि र दोस्रो खेलमा भारदह लाई हराउँदै रुपनी क्वाटरफाइनलमा प्रवेश गरिसकेका छन् ।
कोशी क्रिकेट क्लब भण्टाबारीका अध्यक्ष सकिल अहमदको अध्यक्षतामा आयोजना गरिएको उक्त क्रिकेट प्रतियोगिताको उद्घाटन समारोहको आइतबार राति प्रतियोगिताका प्रमुख अतिथि कोशी प्रदेशसभा सदानन्द मण्डल र विशिष्ट अतिथि कोशी गाउँपालीका अध्यक्ष ऐयुब अन्सारीले संयुक्तरूपमा एक भव्य कार्यक्रमका बीच उद्घाटन गरेका हुन ।
सो अवसरमा नेपाली कांग्रेस कोशी गाउँपालीका सभापति एवं कोशी ३ का वडा अध्यक्ष सुलेमान मन्सुरी, कोशी ७ का वडा अध्यक्ष लालदेव सदा,कोशी ८ का पूर्व वडा अध्यक्ष विन्देश्वर यादव, नेकपा माओवादी केन्द्र कोशी प्रदेश कमिटी सदस्य तजमुल मन्सुरी,कोशी गाउँकार्यपालिका सदस्यहरु बसिरन खातुन र सर्जुग सरदार,न्यायिक समिति सदस्य कमरुद्दिन मियाँ,नेपाली कांग्रेस कोशी उपसभापति धर्मेन्द्र विश्वास, कोशी ३ नेपाल कांग्रेस सभापति सदरुल मन्सुरी,मन्जुर आलम,नाँलेज फाउन्डेसन एकेडेमी कोशी ६ का प्रअ देवकान्त मेहता,मिल्ली मोडेल एकेडेमी कोशी ३ का प्रअ शहाबुद्दिन अन्सारी,मिनतुल मियाँ,शमसाद आलम,नुरे आलम,तारादेवी पौडेल,चुन्नु झा,ऐजुल हक लगायत सयौंको उपस्थिति रहेको थियो ।
११ गतेदेखि चैत २६ गतेसम्म संचालन हुने प्रथम रात्रीकालिन अध्यक्ष कप क्रिकेट प्रतियोगितामा सुनसरी र सप्तरी जिल्लाका गरी विभिन्न १६ वटा टोलिको सहभागिता रहेको आयोजकले जनाएको छ ।
प्रतियोगिता अन्तर्गत दोस्रो दिनको खेलको प्रमुख अतिथि कोशी प्रदेशसभा सदस्य हाजी इस्राइल मन्सुरीले म्यान अफ म्याचको पुरस्कार वितरण गरे । कोशी गाउँपालीकाको आर्थिक सहयोग स्वास्थ्यको लागि खेलकुद राष्ट्रको लागि खेलकुद भन्ने नाराका साथ आयोजना गरिएको क्रिकेट प्रतियोगिताले मनोरञ्जन दिनुका साथ नयाँ प्रतियोगिता उत्पादनमा हुने कोशी प्रदेशसभा सदस्य मन्सुरीले विश्वास व्यक्त गरे ।
