भण्टाबारी । सुनसरी जिल्लाको कोशी गाउँपालीका वडा नम्बर ८ स्थित भण्टाबारीमा जारी प्रथम रात्रीकालिन अध्यक्ष कप क्रिकेट प्रतियोगितामा इनरुवा क्वाटरफाइनलमा प्रवेश गरेको छ । बिहिबार राति सम्पन्न भएको खेलमा तिलाठी कोइलाडी क्रिकेट टीमलाई पराजित गर्दै फुलबारी क्रिकेट टीम इनरुवा क्वाटरफाइनलमा प्रवेश गरेको आयोजकले जनाएको छ । तिलाठी कोइलाडी ले दिएको ९३ रनको लक्ष्य इनरुवाले अन्तिम ओभरमा ८ विकेट गुमाउदै पूरा गरेको थियो ।
बिहिबारको खेलमा इनरुवाका आशिष् मण्डल खेलको म्यान अफ द म्याच घोषित भए । उनलाई सशस्त्र प्रहरी बल नेपाल प्रस्तावित सीमा सुरक्षा गुल्म हरिपुरका डिएसपी संतोष अधिकारीले पुरस्कार वितरक गरे । शुक्रवार मधवापुर र महादेवा बीच प्रतिस्पर्धा हुने प्रतियोगिता संयोजक मिकाइल आलमले जानकारी दिए । ११ गतेदेखि चैत २६ गतेसम्म संचालन हुने प्रथम रात्रीकालिन अध्यक्ष कप क्रिकेट प्रतियोगितामा सुनसरी र सप्तरी जिल्लाका गरी विभिन्न १६ वटा टोलिको सहभागिता रहेको आयोजकले जनाएको छ ।
