भण्टाबारी । कोशी गाउँपालीका वडा नम्बर ८ स्थित PDM हस्पिटल नजिक रहेको खेल मैदानमा जारी प्रथम रात्रीकालिन अध्यक्ष कप क्रिकेट प्रतियोगितामा आयोजक भण्टाबारी फाइनलमा प्रवेश गरेको छ । कोशी गाउँपालीकाको आर्थिक सहयोगमा आयोजित प्रथम रात्रीकालिन अध्यक्ष कप क्रिकेट प्रतियोगिताको पहिलो सेमिफाइनल खेलमा कोशी ४ लाई ३ विकेटले हराउँदै इनरुवा सेमिफाइनलमा प्रवेश गरेको हो । बिहिबार राति सम्पन्न सेमिफाइनल खेलमा कोशी ४ ले दिएको १०९ रनको चुनौती भण्टाबारीले ७ विकेटको क्षतिमा पूरा गरेको थियो ।
भण्टाबारीका लागि सादिसले १६ बलमा ३० तथा मिस्टरले नट आउट २२ रनको योगदान दिए । खेलको म्यान अफ द म्याच मिस्टर घोषित भए । उनलाई कोशी गाउँपालीका वडा नम्बर ८ का समाजसेवी ममताज आलमले पुरस्कार वितरण गरे । शुक्रवार दोस्रो सेमिफाइनल खेलमा इनरुवा र दुहबी बीच प्रतिस्पर्धा हुने प्रतियोगिता संयोजक मिकाइल आलमले जानकारी दिए । ११ गतेदेखि चैत २६ गतेसम्म संचालन हुने प्रथम रात्रीकालिन अध्यक्ष कप क्रिकेट प्रतियोगितामा सुनसरी र सप्तरी जिल्लाका गरी विभिन्न १६ वटा टोलिको सहभागिता रहेको थियो ।
