भण्टाबारी । कोशी गाउँपालीका वडा नम्बर ८ स्थित PDM हस्पिटल नजिक रहेको खेल मैदानमा सम्पन्न प्रथम रात्रीकालिन अध्यक्ष कप क्रिकेट प्रतियोगिताको उपाधी भण्टाबारीले जितेको छ कोशी गाउँपालीकाको आर्थिक सहयोगमा आयोजित प्रथम रात्रीकालिन अध्यक्ष कप क्रिकेट प्रतियोगिताको फाइनल खेलमा दुहबीलाई ३८ रनले हराउँदै कोशी क्रिकेट क्लब भण्टाबारीले उपाधी जितेको हो ।
कोशी क्रिकेट क्लब भण्टाबारीका अध्यक्ष सकिल अहमदको अध्यक्षतामा आयोजना गरिएको उक्त क्रिकेट प्रतियोगिताको उद्घाटन समारोहको आइतबार राति प्रतियोगिताका प्रमुख अतिथि कोशी गाउँपालीका अध्यक्ष ऐयुब अन्सारीले विजेता खेलाडी लाई पुरस्कार वितरण गरे ।
सो अवसरमा नेकपा माओवादी केन्द्र कोशी प्रदेश कमिटी सदस्य तजमुल मन्सुरी,कोशी गाउँकार्यपालिका सदस्यहरु बसिरन खातुन र सर्जुग सरदार,न्यायिक समिति सदस्य कमरुद्दिन मियाँ , समाजसेवी नैइम प्रधान, नेपाल इन्भेस्टमेन्ट मेगा बैंक कोशी शाखाका प्रबन्धक रोबिन्द्र राज , मन्जुर आलम,नाँलेज फाउन्डेसन एकेडेमी कोशी ६ का प्रअ देवकान्त मेहता,मिल्ली मोडेल एकेडेमी कोशी ३ का प्रअ शहाबुद्दिन अन्सारी,मिनतुल मियाँ,शमसाद आलम,नुरे हक लगायत सयौंको उपस्थिति रहेको थियो ।
चैत ११ गतेदेखि आयोजना गरिएको प्रथम रात्रीकालिन अध्यक्ष कप क्रिकेट प्रतियोगितामा सुनसरी र सप्तरी जिल्लाका गरी विभिन्न १६ वटा टोलिको सहभागिता रहेको आयोजकले जनाएको छ । प्रमुख अतिथि कोशी गाउँपालीका अध्यक्ष ऐयुब अन्सारीले स्वास्थ्यको लागि खेलकुद राष्ट्रको लागि खेलकुद भन्ने नाराका साथ आयोजना गरिएको क्रिकेट प्रतियोगिताले मनोरञ्जन दिनुका साथ नयाँ प्रतिभा उत्पादनमा सहयोग पुग्ने विश्वास व्यक्त गरे ।
