भोक्राहा । भोक्राहा नरसिंह गाउँपालीकाको कार्यालयले कृषकलाई अनुदानमा कृषि उपकरण वितरण गरेको छ । गाउँपालीकाले किसानलाई आधुनिक उपकरण वितरणका साथै उनीहरूलाई यसको प्रयोगबारे जानकारीसमेत दिएको छ । चालु आर्थिक वर्ष २०८०/८१ को बजेटबाट ६०० प्रतिशत अनुदानमा विभिन्न उपकरण वितरण गरिएको भोक्राहा नरसिंह गाउँपालीकाका प्रमुख प्रशासकीय अधिकृत सुवर्ण घिमिरेले जानकारी दिए ।
“खुशी किसान भोक्राहा नरसिंह काे छुट्टै पहिचान” भन्ने नाराका साथ भोक्राहा नरसिंह गाउँपालिकाका ८ वटै वडाबाट कुटी काट्ने कार्यका लागि उपभोक्ता कृषकहरु बाट कुटी काट्ने मोटर मेसिन काे निवेदन माग भई आएकाेमा आइतबार वितरण गरिएको हो । भोक्राहा नरसिंह गाउँपालिका अन्तर्गत वार्ड नं १, देखि ८ वटै वडा बाट छनोट भएका किसानहरू लाई गाउँपालिकाकाे ६० प्रतिशत लगानी र उपभोग गर्ने किसानको ४० प्रतिशत साझेदारीमा किसान हरुलाई मोटर सहितको कुट्टी काट्ने मेसिन वितरण गरिएको उनको भनाइ छ ।
उनीहरूलाई भोक्राहा नरसिंह गाउँपालिका अध्यक्ष अजमल अख्तर आजाद र प्रमुख प्रशासकीय अधिकृत सुवर्ण घिमिरे लगायत पालिकाका अन्य कर्मचारीहरुले कृषि उपकरण वितरण वितरण गरेका थिए । किसानको माग र चाहनालाई मध्यनजर गर्दै
आवश्यकता अनुसार कृषि उपकरण वितरण गर्दै आएको अध्यक्ष आजादको भनाइ छ ।
