लौकही । नेपाल इन्भेस्टमेन्ट मेगा बैंक लिमिटेड कोशी शाखाको आयोजनामा बित्तीय साक्षरता कार्यक्रम सम्पन्न भएको छ । नेपाल इन्भेस्टमेन्ट मेगा बैंक लिमिटेड कोशी शाखाको आयोजनामा मंगलबार कोशी गाउँपालीका वडा नम्बर १ स्थित रहेको श्री राष्ट्रिय माध्यमिक बिद्यालय लौकहीमा बित्तीय साक्षरता कार्यक्रम आयोजना गरिएको हो ।
डिजिटल बैंकिङ, क्यूआर, आरबीबी स्मार्ट बैंकिङ, इन्टरनेट बैंकिङ, पिन तथा पार्सवर्ड सुरक्षा, ओटीपी, रेमिट्यान्स कारोबार, बचत तथा कर्जाको सदुपयोगसम्बन्धी जानकारी सो कार्यक्रम गराइएको थियो ।
यस्तै बैंकीङ्ग कारोबार खाताको आवश्वकता र विशेषता तथा डिजिटल बैंकीङ्गको महत्व लगायत विषयमा नेपाल इन्भेस्टमेन्ट मेगा बैंक लिमिटेड कोशी शाखाका ब्रान्च म्यानेजर रबिन्द्र राज र ब्रान्च इन्चार्ज रविन उप्रेतीले सहभागीहरुलाई जानकारी गराएका थिए ।
छोटो समयमा गरिएको बित्तीय साक्षरता कार्यक्रम लाभदायक भएकोले यस्ता कार्यक्रम आगामी दिनमा निरन्तर गरिने योजना रहेको नेपाल इन्भेस्टमेन्ट मेगा बैंक लिमिटेड कोशी शाखाले जनाएको छ ।
