भण्टाबारी । कोशी क्रिकेट क्लब भण्टाबारीले कोशी गाउँपालीका वडा नम्बर ८ स्थित PDM हस्पिटल नजिक रहेको खेल मैदानमा सम्पन्न प्रथम रात्रीकालिन अध्यक्ष कप क्रिकेट प्रतियोगिताको उपाधी जितेकोमा उक्त ट्रफी कोशी गाउँपालीकाको कार्यालय लाई हस्तान्तरण गरेको छ ।
कोशी गाउँपालीकाको आर्थिक सहयोगमा आयोजित प्रथम रात्रीकालिन अध्यक्ष कप क्रिकेट प्रतियोगिताको फाइनल खेलमा दुहबीलाई ३८ रनले हराउँदै कोशी क्रिकेट क्लब भण्टाबारीले उपाधी जितेको थियो । ट्रफी हस्तान्तरण कार्यक्रममा बोल्दै प्रतियोगिताका प्रमुख अतिथि कोशी गाउँपालीका अध्यक्ष आदरणीय ऐयुब अन्सारीले विजेता खेलाडी लाई बधाईका साथै आगामी दिनमा थप सफलताको लागि शुभकामना दिनुभयो ।
सो अवसरमा कोशी गाउँपालीकाका प्रमुख प्रशासकीय अधिकृत दामोदर दाहाल, स्वकीय सचिव धर्मेन्द्र विश्वास , प्राविधिक शाखा प्रमुख रोशन शर्मा, प्रशासन शाखा प्रमुख बिनोद मिश्र, नेपाली कांग्रेस महासमिति सदस्य मनोज साह, नेविसंघ केन्द्रीय सदस्य कुन्दन मण्डल लगायतको उपस्थिति रहेको थियो ।
