सुनसरीको भोक्राहा नरसिंह ३ शिशो टोलमा भीषण आगलागी बाट पीडित बनेका घरपरिवारलाई राहत वितरण गरिएको छ । मंगलबार दिउँसोको समयमा परालको टाल बाट राम देव मेहताको घर बाट आगलागी सुरु भइ स्थानीय ७ परिवारको १५ घर जलेर नष्ट भएको थियो ।
भोक्राहा नरसिँह गाउँपालिका वार्ड न.३ मा आगलागी भएको हुँदा गाउँपालिका, जिल्ला प्रशासन कार्यालय सुनसरी र रेडक्रस सुनसरी बाट राहत सामाग्री बुधबार वितरक गरिएको हो । सो अवसरमा सुनसरीका प्रमुख जिल्ला अधिकारी जयनारायण आचार्य , भोक्राहा नरसिँह गाउँपालिका अध्यक्ष अजमल अख्तर आजाद , सुरक्षा निकायका प्रमुखहरु लगायतको उपस्थिति रहेको थियो । सोहि अवसरमा बोल्दै भोक्राहा नरसिंह अध्यक्ष आजादले आफू काम विशेषले पालीका बाहिर रहेको बखत दुखद घटना घटेकोमा दुख व्यक्त गर्दै हावाहुरीको समय चलिरहेको अवस्थामा यस्ता घटना हुन नदिन सबैजना सजग र सचेत रहन आग्रह गर्नुभयो ।
पराल बाट सल्केको आगोले शिशो टोलका ७ परिवारको घरमा रहेको खाद्यान्न , लता कपडा र नगदसहित गरेर ५० लाख बढीको क्षति भएको अनुमान गरिएको छ । आगोलाई नियन्त्रणमा लिन नेपाल प्रहरी ,सशस्त्र प्रहरी स्थानीय बासी र कोशी गाउँपालिका , इनरुवा नगरपालिका र इटहरी उप महानगर पालिकाका सहितका दमकल परिचालन गरेको थियो ।
आगलागीमा १ जना बालक समेत घाइते भएको जनाएको छ । यसैबीच आगलागी पीडित परिवार लाई भोक्राहा नरसिंह गाउँपालीकाको कार्यालयले मंगलबार साँझ राहत सामाग्री उपलब्ध गराएको थियो । पीडित परिवारलाई भोक्राहा नरसिंह गाउँपालीकाको कार्यालयले तत्काल आवश्कता अनुसार खाद्यान्न एवं त्रीपाल सामग्री उपलब्ध गराएको र आगामी दिनमा थप सहयोग गरिने भोक्राहा नरसिंह अध्यक्ष अजमल अख्तर आजादले जानकारी दिनुभयो ।
