लौकही । समाजको वास्तविकता बाहिर ल्याउ चित्रकला प्रतियोगिता आवश्यक भएको कोसी गाउँपालीका अध्यक्ष ऐयुब अन्सारीले बताएका छन् । समाजमा भए गरेका विभिन्न गतिविधिका साथै यथार्थ कुरा तस्बिरमार्फत देखाउदै नागरिकलाई जागरुक गराउन चित्रकला महत्त्वपूर्ण भएको उनको भनाइ छ । कोसी गाउँपालीकाले शुक्रबार कोसी गाउँपालीका वडा नम्बर ३ स्थित रहेको राष्ट्रिय बिद्यालय सोभनपुरमा आयोजना गरेको कार्यक्रमलाई सम्बोधन प्रमुख अतिथि अध्यक्ष अन्सारीले सो कुरा बताएका हुन ।
आफूहरू निर्वाचित भएको पहिलो कार्यकालदेखि नै भौतिक विकास मात्रै नभई समाजमा रचनात्मक परिवर्तन ल्याउन सक्ने खालको कार्यक्रम गर्दै आएको र भविष्यमा पनि यस्ता कार्यक्रमलाई निरन्तरता दिने अध्यक्ष अन्सारीको भनाइ छ । स्थानीय स्तरमा भएको कृषी , पर्यटन जस्ता विषयमा चित्र बनाउन लगाउँदा सो विषयमा बालबालिकाकाे चासो बढेको बताउदै उनले कार्यक्रम प्रभावकारी बनाएकोमा विद्यार्थीहरूकाे प्रशंसाा पनि गरेका थिए ।
कोसी गाउँपालिकाद्वारा आयोजित मा.बि.स्तरीय चित्रकलाप्रतियोगितामा कोसी क्षेत्रका विभिन्न छ वटा मा.बि.काविद्यार्थीहरुको सहभागिता रहेको थियो भने उक्त प्रतियोगितामा श्री राष्ट्रिय मावि सोभनपुरकी संजु साह प्रथम भईन भने सोहि बिद्यालयकी अनिताकुमारी साह दोस्रो र अल फलहा पब्लिक मावी कोसी ५ की इस्मत जहाँ तृतीय भएको जनाइएको छ ।
उनीहरूलाई कार्यक्रमको प्रमुख अतिथि कोसी गाउँपालीकाका प्रमुख प्रशासकीय अधिकृत दामोदर दाहाल ,कार्यक्रमका अध्यक्ष राष्ट्रिय माध्यमिक बिद्यालय सोभनपुरका प्र.अ. हरेकृष्ण राउत, विशेष अतिथि लेखा अधिकृत सुरप्रसाद दंगाल, धर्मेन्द्र विश्वास , जिंशी शाखा प्रमुख श्याम किशोर मण्डल , शिक्षा शाखा प्रमुख बेदराज अधिकारी लगायतले पुरस्कार वितरण गरेका थिए ।
पुरस्कारसँगै सिल्ड,मेडल तथा प्रमाणपत्र समेत वितरण गरिएको थियो। चित्रकला प्रतियोगिताको निर्णायक मण्डलमा महिला बालबालिका तथा जेष्ठ नागरिक शाखा प्रमुख रिता राणा मगर, कृषी शाखा प्रमुख सोनु कुमार यादव र राजेश कुमार राउत रहेका थिए ।
