कोशी । सामुदायिक बिद्यालय व्यवस्थापन समिति महासंघ नेपाल कोशी गाउँपालीकाको प्रथम सम्मेलन बाट निर्वाचित भएका पदाधिकारी एवं कार्य समिति सदस्यहरुलाई प्रमाणपत्र वितरण गरिएको छ ।
गत चैत ७ गते निर्वाचित भएका सामुदायिक बिद्यालय व्यवस्थापन समिति महासंघ नेपाल कोशी गाउँपालीका अध्यक्ष सुलेमान मन्सुरी लगायतलाई कोशी गाउँपालीका अध्यक्ष ऐयुब अन्सारीको प्रमुख आतिथ्यमा आयोजित कार्यक्रममा निर्वाचित भएको प्रमाणपत्र वितरण गरिएको हो ।
सुलेमान मन्सुरीको अध्यक्षतामा निर्वाचित भएको १५ सदस्यीय कार्य समितिको उपाध्यक्षमा महम्मद मुसा,सचिवमा राजकुमार यादव लगायत रहेका छन् । निर्वाचन संयोजक बेदराज अधिकारी र सदस्य जयकृष्ण यादव नेतृत्वको निर्वाचन समितिले सर्वसम्मतिले उनीहरू निर्वाचित भएको घोषणा गरेका थिए ।
निर्वाचित भएपछि प्रतिक्रिया दिदै सामुदायिक बिद्यालय व्यवस्थापन समिति महासंघ नेपाल कोशी गाउँपालीका अध्यक्ष सुलेमान मन्सुरीले महासंघलाई अझै बलियो विद्यार्थी र बिद्यालय मैत्री बनाउने विश्वास व्यक्त गरे । यसैबीच सफलतापूर्वक निर्वाचन सम्पन्न गराउन महत्त्वपूर्ण भूमिका निर्वाह गरेको भन्दै निर्वाचन संयोजक बेदराज अधिकारी र सदस्य जयकृष्ण यादवलाई सम्मान गरिएको छ ।
उनीहरूलाई कार्यक्रमका प्रमुख कोशी अध्यक्ष ऐयुब अन्सारी,विशिष्ट अतिथि कोशी प्रदेशसभा सदस्य सदानन्द मण्डल,कोशी उपाध्यक्ष अनिता यादव लगायतले सम्मानपत्र वितरण गरेको जनाइएको छ ।
