काठमाडौं । मुस्लिम समुदायको दोस्रो ठुलो पर्व “इदुलअजहा”(बकरईद) को अवसरमा सार्वजनिक विदा दिनुपर्ने मागसहित नेपाल मुस्लिम संघले सरकारको ध्यानाकर्षण गराएको छ । मुस्लिम समुदायको धार्मिक ,सांसकृतिक आस्थासँग गाँसिएको महान पर्व “इदुलअजहा”(बकरईद) २०७८ श्रावण ६ गते सम्भवतः हुने भन्दै मुस्लिम संघले सो दिन विदाको मागसहित बिहीबार सरकारको ध्यानाकर्षण गराएको हो ।
उक्त दिन सार्वजनिक विदा रहँदै आएकोमा केपी ओली नेतृत्वको संघीय सरकारले विदा कटौती गर्दा नेपाल मुस्लिम संघ अलोकतान्त्रिक,असंवैधानिक र ्आस्था माथिको प्रहार भनी आन्दोलन गरेको स्मरण गराउँदै संघले नेपाली काङ्ग्रेसका सभापति समेत रहेका शेरबहादुर देउवा सरकारलाई विदाको लागि ध्यानाकर्षण गराएको नेपाल मुस्लिम संघका अध्यक्ष अब्दुल सत्तारले जानकारी दिए । केपी ओली नेतृत्वको सरकारले कटौती गरेको बिदा पुनः दिनुपर्ने भन्ने ध्येयले आफूहरूले वर्तमान गृहमन्त्री बालकृष्ण खाँडलाई ध्यानाकर्षण पत्र बुझाएको बताउदै उनले “इदुलअजहा”(बकरईद) दिन सार्वजनिक विदा दिन
देउवा सरकारले प्रक्रिया अगाडि बढाएको बताउँछन् ।
