सुनसरी जिल्लाको बराहक्षेत्र न.पा. ०१ स्थित निर्मित प्रहरी चौकी बराहक्षेत्र कार्यालय भवनको उद्घाटन गरिएको छ । बुधवार बिहान बराहक्षेत्र नगर उप-प्रमुख नन्द कुमारी सुनुवारको अध्यक्षतामा आयोजित एक कार्यक्रमका बीच प्रमुख अतिथि कोशी प्रदेश प्रहरी प्रमुख प्रहरी नायव महानिरीक्षक चन्द्र कुवेर खापुङले निर्मित प्रहरी चौकी बराहक्षेत्र कार्यालय भवनको उद्घाटन गरेका हुन ।
सो अवसरमा बराहक्षेत्र नगरपालिका प्रमुख प्रशासकिय अधिकृत गणेश बहादुर कटुवाल,जिल्ला प्रहरी कार्यलयका प्रमुख प्रहरी उपरीक्षक सुमन कुमार तिम्सिना लगायत जिल्ला सुरक्षा समितिका सदस्यहरु , सुरक्षा वेश क्याम्प चतरा प्रमुख स.प्र.नि. सुदेश राई,बराहक्षेत्र नगरपालिकाका वडा अध्यक्षहरु,राजनीतिक दलका नगर प्रमुखहरु, विभिन्न सङघ सस्थाका प्रमुख तथा प्रतिनिधिहरुको उपस्थिति रहेको थियो ।
प्रहरी चौकी बराहक्षेत्रको कार्यालय भवन रू. ३ करोड २१ लाख ६९ हजार ३१३ रूपैयाँ नेपाल सरकारको नियमित बजेटबाट मिति २०७९ चैत्र १३ गते जे.एस.एस. ईन्जनियरिङ प्रा.लि, ज्ञानेश्वर, काठमाण्डौको निर्माण कम्पनीलाई ठेक्का सम्झौता गरीएकोमा मिति २०८१।०३।३० गते सम्पन्न भएको जिल्ला प्रहरी कार्यालय सुनसरीले जनाएको छ ।
