सुनसरी जिल्लाको कोशी गाउँपालीका १ स्थित लौकहीबाट सशस्त्र प्रहरीले लागूऔषध सहित पुन दुई जनालाई नियन्त्रणमा लिएको छ । भारतीय सिमावर्ती बजार वेलाहाबाट नेपालतर्फ आउदै गरेको प्र २-०१-००२ प ७०१३ नं. को डिस्कभरमा सवार भई आएका उनीहरुलाई लागूऔषध सहित नियन्त्रणमा लिएको सशस्त्र प्रहरी बल नेपाल (बिओपी) लौकहीका सशस्त्र प्रहरी निरिक्षक नारायणप्रसाद गौतमले जानकारी दिए ।
लौकही बिओपीबाट सशस्त्र प्रहरी हवल्दार विनोद घिमिरेको कमाण्डमा टोली खटिएकोमा सशस्त्र प्रहरी सहायक हवल्दार तेजबहादुर श्रेष्ठले शंका लागि चेकजाँच गर्दा मोटरसाइकल भित्र लुकाई छिपाई राखेको एक दशमलव २० मिलिग्राम लागूऔषध खैरो हेरोइन जस्तो देखिने पदार्थ सहित दुईजना पक्राउ परेका हुन । पक्राउ पर्नेमा जिल्ला सप्तरी कन्चनरुप नगरपालिका ८ कन्चनपुर बस्ने वर्ष २७ का श्रवण राम र सोही मोटरसाइकलको पछाडी सवार जिल्ला सप्तरी कन्चनरुप ९ बस्ने वर्ष १९ का प्रदिपकुमार यादव रहेका छन् । उनीहरुलाई थप अनुसन्धान र कार्वाहीकाे लागि जिल्ला प्रहरी कार्यालय सुनसरीको जिम्मा लगाएको सशस्त्र प्रहरीले जनाएको छ ।
